[香港加油］
九龍聯校中學生音樂會
日期： 27/9/2019
時間：1730-1930
地點：九龍塘又一城商場
裝束：校服+口罩+白絲帶
歡迎任何街坊 校友 學生參與
-
剛過去嘅一整個夏天，街頭上此起彼落嘅聲音，有著同以往唔同嘅微妙。
復始沒完嘅口號，成為香港人近日心中嘅口頭禪，八字音調嘅起伏，扣人心弦，亦成為香港人一直咬緊牙關嘅動力。
香港素來以國際城市自居，三月多以來嘅運動，每一牽一動亦深受世界注視。除咗義士嘅灑熱血，和理非嘅齊上齊落，最令人讚嘆嘅，無非港人在運動中，無處不在咁發揮住嘅創意。
港人嘅文宣創意，令香港呢場運動首次推上世界舞台，而港人在音樂上嘅創意，更為成場運動添上不少生色。
時間已經長達三月有多，運動之中誕生嘅歌曲亦數之不盡。有令人搵到歸屬嘅國歌，有提醒學生好好讀書，不要做毅進仔嘅兒歌，亦有七隻字就譜成一曲嘅名作。
代入情緒，滋潤心靈，係音樂成為世界共同語言嘅理由。
塥地之上，我們作為中學生，亦望能夠在呢場抗爭中再獻一分微力，透過音樂，透過世界嘅語言，將香港嘅訴求再次告知世界，以琴弦滋潤炮火之地。
鳴鳴不絕，必有所成。繼大學生於又一城舉辦音樂會後，我等後浪希望能接力前潮，不平則鳴，誠邀九龍各中學學生參加。但願香港一城之音，能如民主與自由，在樂聲伴隨下，萬世都不朽。
Search